مسح الحساب والبيانات

تطبيق سُفرة — آخر تحديث ١٦ سبتمبر ٢٠٢٦

مسح الحساب متاح بطريقتين، والاتنين بيمسحوا نفس الحاجة: الحساب وكل البيانات المرتبطة بيه، والمسح نهائي.

من جوّه التطبيق

1. افتحوا سُفرة.
2. روحوا على الإعدادات › حسابكم.
3. دوسوا «مسح الحساب» وأكّدوا.

الحساب بيتمسح على طول، من غير ما تستنوا رد من حد.

من غير التطبيق

لو مش قادرين تفتحوا التطبيق — مثلاً شيلتوه من الموبايل — ابعتوا لنا رسالة على sofra@ehab-ezzat.com من نفس الإيميل اللي داخلين بيه على سُفرة، واكتبوا إنكم عايزين تمسحوا الحساب. بنمسحه خلال ٣٠ يوم على الأكثر، وبنبعتلكم تأكيد لما يتم.

بنطلب إنكم تبعتوا من نفس الإيميل عشان نتأكد إن الطلب جاي من صاحب الحساب فعلاً، مش من حد تاني.

اللي بيتمسح

• الحساب نفسه واسمه وإيميله.
• إعداداتكم: الميزانية، أيام الطبخ، أيام البروتين، المطابخ، والأكل اللي مابتاكلوهوش.
• خطط الأكل كلها، والأسابيع القديمة.
• طلبات البيت.
• كود الإشعارات بتاع الجهاز، لو الإشعارات كانت شغّالة.
• الربط بين خطوات استخدام التطبيق وبينكم.

اللي بيفضل

بتفضل أرقام مجمّعة عن استخدام التطبيق من غير أي حاجة تربطها بيكم — يعني عدد مرات فتح التطبيق مثلاً، من غير ما نعرف مين فتحه. وبناخد نسخة احتياطية من قاعدة البيانات كل يوم عشان نقدر نرجّع الخدمة لو حصلت مشكلة، والنسخ دي بتتمسح لوحدها في مدة أقصاها ٣٠ يوم، يعني أي بيانات مسحتوها بتختفي منها في المدة دي.

السياسة كاملة على api.sofra.ehab-ezzat.com/privacy.